細John無辜失利跌入危險區 年薪逾200萬iBanker黃家俊 令關嘉敏嗒糖

無綫戀綜真人騷《女神配對計劃》，昨（29日）晚播出第4集，本集與組員進行「三角枱約會」的女神，則有第3集已出場的關嘉敏（Carman）及梁敏巧（Maggie）。

今集打頭陣出場的，是最有情緒價值的「搞笑女神」關嘉敏Carman！Carman組的三名成員是「星二代」姜卓文（細John）、年薪過200萬iBanker黃家俊（Matthew）及蘭桂坊攝影達人劉榮業Andy。

在海選期間人氣領先的細John，去到正式約會第一擊，卻連環「被動性」失利，皆因Carman愛犬Two Two在需要參賽者親近狗仔的回合中，完全無視細John，只一味奔向Matthew，任憑細John如何呼天搶地：「Two Two我求吓你吖」、「Please！」

均無動於衷，細John索性頹爆坐地示意放棄，江美儀見狀笑謂：「狗就識睇人喇！」事後Carman對Matthew讚不絕口：「Matthew好勁呀，要留住Two Two好難，仲要停留2分幾鐘喎，有愛心，唔會差得去邊。」

憑「狗」突圍的Matthew，在話題方面亦與Carman最投契，2人均曾任職模特兒，Carman更因而引起當年為掙學費兼職Model、因而本末倒置的歲月：「我嗰時做Model係因為我唔想靠屋企，主要係掙錢交學費，但我成日（做嘢）走堂，走到老師同我講，Carman你記住，學生先係Full Time喎，我廿歲頭已開始捱眼瞓，成日都捱夜，因為自己鍾意做呢行。」

除了投契，Carman對Matthew的舊情史亦大感興趣，並對外籍女士的高顏值表現興奮又羨慕；2人實在太好傾，當主持林盛斌出場表示2人「夠鐘」時，即遭Carman嫌棄兼驅趕：「做咩出嚟？我未食完呀﹗」

最終Carman挑選了Matthew共享甜品時間，卻因太率性犯了天大錯誤，令細John與Andy跌入危險區！事緣在填寫保護名單時，Carman因覺得細John在比賽中贏硬，而選了保護Matthew，但到正式揀人共享「甜品」時，卻因第一時間想到Matthew，而忘記了細John沒有受到保護，Carman得悉自己擺了大烏龍後勁緊張：「我聽到保護名單時，我面色一沉，死喇，咁細John點呀，死喇！我即刻好驚，嗰時我唔記得咗個保護名單。」不過全程「無辜」失利的細John，大方接受賽果，贏回印象分。

Matthew除贏盡Carman、Two Two及江美儀芳心，網民對他亦一致讚好，大讚他談吐得宜兼夠靚仔順眼，並封他為BabyJohn（蔡瀚億）和林德信混合體。除了靚仔得體，Matthew亦興趣多多，除了MMA（自由搏擊）、柔術及籃球等，還喜歡揸電單車。

細John在溫哥華出生，於美國修讀設計系畢業再回流，曾參加過選秀節目、亦參與過劇集《青春不要臉》、電影《梅艷芳》、《臨時劫案》及舞台劇演出，近年亦活躍於Social Media拍片教煮食。細John參賽時最惹人關注的，是他的「星級家族背景」，父親是資深演員姜大衛、母親是李琳琳、伯父是秦沛，叔父是爾冬陞。

（即時娛樂）