謝安琪愛女代表香港出戰國際賽：我學10年都冇佢咁叻

歌手謝安琪（Kay）和老公張繼聰是圈中出名的「廿四孝爸媽」，日前偕大仔張瞻舉家飛抵西班牙，全為陪伴8歲的寶貝女張靖（Kakaball）以舞蹈學院的香港代表身代出戰「Dance World Cup」比賽，Kay在社交網為愛女擔任報道員，由在香港機場出發、正式比賽及賽後拍攝MV等全程直擊，為愛女盡心盡力。

雖然Kakaball個人未有獎項，但Kay滿意女兒亮眼表現，又覺得友誼第一，她接受訪問時表示；「最緊張囡囡開心，比賽後，舞蹈老師幫佢哋同4位同學仔拍跳舞片留念，囡囡可以同啲一齊跳舞嘅同學仔去參加世界賽，增廣見聞，學識團結，要驚就一齊驚，要勇敢就一齊勇敢，互相照顧及支持，輪流做企中間主角。」同時Kay戥同參賽的另外兩隊香港代表隊獲第一及第三名感高興，大讚香港的小朋友天才橫溢。

有謂現今的小朋友有機會出外參賽好幸福，Kay亦笑謂：「我哋細個時可以喺香港嘅西班牙餐廳食1、2餐已經好開心。（囡囡跳舞叻過你？）我依家呢啲年紀，淨係睇都覺得攰，我諗我學多10年都冇阿女咁叻。」不過她稱沒有刻意培育囡囡成「小舞后」，只是她個人興趣，又覺得愛運動比沉迷電玩好。另外，Kay又在網上分享囡囡擔任藝人香胤宅（Lyman）跳舞節目嘉賓的花絮照，是位稱職的「星媽」。

東網網站 : https://on.cc/東網Facebook專頁 : https://www.facebook.com/onccnews/