黃劍文被診斷70%手筋斷裂　相信因禍得福

《中年好聲音2》歌手黃劍文（Kimman）自爆入院，他在社交平台發文，透露被玻璃碎片爛傷手指，傷口頗深，被診斷70%的手筋斷了，雖然傷勢看似不輕，但Kimman仍樂觀面對，充滿正能量。

他講述意外事發經過，早上他清洗玻璃兜時不慎摔破，手指被割傷流了不少血，手指被亦甩掉：「狂流血，用紙巾包住隻手即刻搵最近嘅醫院睇急症，諗住洗傷口，包紮完就走得，點不知醫生要我留院，要睇骨科，冇諗過要入醫院。」並需要做手術，手術時間頗長，他表示：「醫生話畀我知有70%筋係斷咗，所以佢幫我縫針，固定手指唔畀佢郁，下星期就會返去覆診，之後就會做物理治療，放心啦！我相信兩三個星期後會好番嘅，喜樂的心乃是良藥。」

他感謝每一個問候、每一個關心，感受到溫暖和人間有愛，又以「因禍得福」覺得每件事發生，總有原因，心靈上有不同的領受同得着：「其實當我流血嗰刻，我諗起耶穌，我得到安慰，當我發現原來手指咁重要嘅時候，我更加學懂每一個肢體，每一個部分都係咁重要，甚至每一個人都係有價值。」

東網網站 : https://on.cc/東網Facebook專頁 : https://www.facebook.com/onccnews/