李蘊冧晒「男友視角」慶生照　原來係佢揸機！

歌手李蘊昨日（27號）34號生日，雖然失婚，但依然過得精彩又溫馨，除連日來有朋友相約食飯外，日前其一對仔女及媽咪已率先為她慶生，而來港出席慈善賣旗活動的她表示：「囝囝啱啱識寫字，佢同家姐各自寫咗張生日卡畀我，另外，囡囡又同媽咪一齊織咗條手繩我，我好開心、好感動。」問到生日願望，她祝願身體健康、世界和平、開心快樂。問到其社交網分享了一張「男友視角」的慶生相，是否已蜜運中？她哈哈笑：「係我媽咪幫我影㗎，我願望之一都想有人愛，但現階段覺得有工開，有錢搵最緊要。」

問到正日生日為何不放假？她則覺得生日可參與慈善活動，會令生日更添意義，又指完成活動後要即趕返廣州，未能跟梁釗鋒前女友、化妝師及造型師好友Karl留港慶祝，她說：「我都係同仔女請咗兩個鐘頭『假』趕返港，因為夜晚要同佢哋食正日飯，同埋我想趁暑假陪佢哋多啲，同佢哋去吓旅行，只係因為同活動位搞手好熟，一定要嚟支持佢，所以頻撲啲都冇所謂。」而同場還有表演唱歌的練樂儀，又與手語義工圑齊呼籲慈善賣旗，及剛宣布雙喜臨門的《愛．回家之開心速遞》演員「鐵面陳」王致狄和無綫藝人劉天龍。

東網網站 : https://on.cc/東網Facebook專頁 : https://www.facebook.com/onccnews/