【LINE你睇】茶餐廳杯太厚被轟「失禮」 設計背後原來有實際用途？

近日有網民在Facebook群組「香港茶餐廳及美食關注組」發帖，質疑餐廳奶茶杯壁過厚，令容量大減，批評「隻杯咁都得」，引起網民群罵：「縮骨的老闆」、「古惑的杯」、「其實俾大杯啲真係會蝕錢咩，真係好失禮」。不過事件很快出現反轉，原來這款「厚杯」大有來頭！

從帖文圖片可見，網民所指的奶茶杯內沿特厚，令飲品容量相對減少。有網民看見後怒斥：「飲兩啖就飲完！」、「個杯咁厚，1杯其實半杯，奸商奸到出汁」。更有人引用電影《食神》對白圖片：「飲管有幾粗要幾粗，冰有幾大粒放幾大粒」，諷刺餐廳做法。

不過，事情很快出現反論調，有食家指出，這款瓦杯設計其實是「用心良苦」。根據黑白淡奶官網解釋，厚瓷杯具有較強的耐熱力，能有效提升保溫功能，讓茶客品嘗每一啖奶茶時都能保持適中溫度。另外，杯身厚度更能增加嘴唇與茶杯的接觸面，令奶茶入口時口感更加充實。

有經驗網民亦解釋：「防漏兼保暖架！」、「少見多怪」、「咁樣嘅杯用咗好耐啦！」特別在冷氣強勁的餐廳內，這種設計更顯重要。

圖片來源：FB@香港茶餐廳及美食關注組

【LINE你睇】每日精選網絡熱話，源源送上新鮮事，LINE你睇唔驚冇話題。