LINE全新「表情回應」　派心派嬲更精準啱feel

LINE的貼圖一直都廣受大家喜愛，無論係靜態、動態貼圖及表情貼，還是隨你填、特效貼圖，目的都只有一個，就係幫大家更精準地表達每個情緒及想法！除了有海量款式滿足大家需要，當然新功能上也要配合，「表情回應」正式上線，以後6款預設表情符號之外，貼圖小舖的所有表情貼都可用來回應訊息，無論係新上架、還是之前買落的，全部都支援，隨意更啱feel地派心、派嬲。

新功能「表情回應」是「聊天室表情符號」的進化版，一周內收到的訊息或照片都適用，長按訊息就可以表情貼回應，發送者不會收到特別通知，畀反應之餘又無需擔心打擾到對方，絕對是I人福音。只要是iOS或Android的LINE App v.15.5.0或以上的版本就用得，未來亦會支援電腦版。

簡單4步，一學就識：
1. 長按訊息：無論係單挑、圍爐定係大Group Chat，見到想回應的訊息、貼圖、相或者片，大大力長按落去！跟住揀最右邊個笑哈哈公仔。
2. 揀個靚表情：可在過往紀錄選擇，或於表情貼珍藏中揀心水款式。
3. 即刻Show畀你睇：被揀中的表情貼會立即顯示在列表的最前面。
4. 八卦下人哋點睇：想知其他人對訊息有何反應？按表情回應就可以一次過睇晒大家用咗咩表情貼。

為了慶祝新功能，一班大家都喜愛的LINE貼圖超人氣巨星都帶來新出品，包括「白爛貓」、「好想兔」、「貓貓蟲咖波」、「白白日記」等，全都推出了全新系列表情貼，無論係同friend子吹水、同同學同事圍爐，還曷與情人、家人溫馨對話，都可以用更盞鬼嘅表情回應，完美表達喜怒哀樂，立即去貼圖小舖入手以及買畀好友。