【搵食CONY】維港景下嘆日式情人節餐　時令食材入饌為感情提鮮

發布於 02月04日09:40 • 搵食CONY、馮翠怡

好不容易處理完農曆新年，忙碌過後想唞唞？CONY提提你還有10日就到情人節，有另一半而未計劃的要趕緊著手籌備了！最簡單的慶祝當然是食餐好，食物質素要有一定水準，餐廳環境亦相當重要，能夠欣賞到維港靚景絕對會增添浪漫氣氛。位於海運大廈OTE的天穴就是其中一間坐擁靚景的餐廳，她們特地為節日設計了限定菜單，用上時令食材炮製日本料理，在經歷過新年各式年糕、炸物洗禮後，不失為較清新健康過節的選擇。

位於OTE的天穴坐擁靚景。

情人節餐食日式方法烹調的海鮮感覺較少負擔。

天穴的情人節限定菜單主打新鮮時令食材，打頭陣有用上北海道八爪魚配搭魚籽醬、高糖番茄的前菜，鮮美與濃郁味道混和層次豐富。刺身拼盤由小龍蝦、燙霜真鯛、櫻葉鰆魚、熟成鰤魚及呑拿魚腩組成，當中鰤魚的魚皮經過處理變得脆身，配搭魚肉的嫩滑口感帶來驚喜。

先以前菜清新味蕾。

共有5款刺身。

鰤魚的烹調手法相當有驚喜。

揚物方面有脆炸甘鯛配蛤蜊奶油汁，半炸的方法令酥脆外皮滿足想惹味的心，同時魚肉保持細滑鮮美，減少進食後的罪惡感。緊接以春野菜配金目鯛昆布湯中和口感，再品嚐A5和牛。牛肉經過炭燒處理，軟嫩多汁亦散發獨特香味。旁邊配有煙燻薯蓉，加上份量適中，未感太油膩及過於有負擔。

脆炸甘鯛配蛤蜊奶油汁

昆布湯好足料，CONY尤其欣賞白蘿蔔清甜冇渣。

兩件和牛配搭薯蓉食用，份量剛剛好。

壽司方面廚師嚴選使用了海膽、平目魚、池魚及喜之次。最後以沖繩黑糖雞蛋布丁作結，配搭呈淡粉紅與白色果肉、濃郁香甜的淡雪土多啤梨，浪漫又甜蜜。

一共有4款足料壽司。