網上熱話｜港女交友APP約「消防男」食飯被走數 消防處：涉假冒公職人員已報警(更新)
若覺得在日常生活難以結識新朋友或對象的話，不少人都會嘗試玩交友APP，盼能認識更多不同界別和背景的異性。不過網上識人需要格外留神，否則遇人不淑的話可能會有損失。早前，一位港女在社交平台上發文，稱自己在交友平台「Heymandi」上認識一位自稱是消防員的男生，相約食飯後竟被對方用1理由走數，事件曝光後更有不少網民表示被同1男子呃過，疑似是慣犯！
消防處表示，留意到有人在網上發布帖文，帖文中提及一名男子自稱消防人員。消防處強調該男子並非該處屬員。由於該男子涉嫌假冒公職人員，已將事件交由警方跟進，並會全力協助警方調查。
對方事後竟用1招走數 焗請$1600晚飯
這位港女在社交平台發文，劈頭指自己遇上「Hmd食飯詐騙」，她分享自己在交友APP上認識了一個自稱消防員的男生，二人相約於「朗屏一間西餐廳食飯見面」。事主到場後「見到價錢牌時都覺得貴」、「二人餐要$1400以上」，但因為消防男子堅稱會請事主食飯，「又話會食完車我返去」，因此決定繼續用餐，更「額外再叫半打特價生蠔」。事主憶述，消防男子「全程飯佢都話被人盜用信用卡碌左成廿萬好愁」，疑似是為事後走數鋪路。
飯後用1招甩身
二人最後一共消費了$1600元，消防男子在埋單時再度提及「信用卡被人盜用」，因而要求事主幫手埋單，「之後再襟返現金俾我」。當時事主就曾提及「餐飯成$1600咁貴可以AA一人一半」，但對方「堅持話佢請…仲話下次約去行山…減低我戒心」。沒料到行到入商場準備攞車時，「佢話要去廁所，我就順便去樓上女廁，佢話去男廁附近日本城等」，當事主等咗一段時間後嘗試message對方，卻驚覺男子已經將其封鎖，飯錢自然不了了之。
部分網民稱被同一人呃過
事主最後表示「怪不得我食飯時話影合照時佢拒絕啦」，但就好彩食飯期間有影低對方的容貌，因此決定公開照片「為免更多人受害」。事件引來大批網民關注，有網民直言「大佬你飯食好啲，仔都食好啲好無」、「仲要咁醜樣，你話請個靚仔都話」。最令人震驚的是，部分網民均稱被同一人呃過，「我都俾同一個人呃過」、「用同一個故事又係話張卡俾人盜用又係話去爆石！個時同佢食放題」、「但嗰時佢話自己做救護」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)