🥐樣樣酥脆！外脆內軟越南法包❗️ 士多啤梨🍓濃香抹茶杏仁🍵朱古力合桃扁牛角酥｜Délifrance

唔知點解近排會興將啲牛角酥壓扁，越黎越多地方有。上網一search原來係韓國帶起，真係龍捲風咁捲起潮流，不過最估唔到連呢間咖啡店都有跟住出。

呢間法國咖啡店其實都好耐歷史，可能好多朋友有食開，直頭係我嘅童年回憶，牛角酥、法包一定係佢地拿手嘢。原來佢地都有緊貼潮流，早排新出咗啲越南法包同扁牛角酥，會賣到8月尾~

-
🥩辣醬牛肉越式法包 (包一杯飲品 $69)
🥙咖喱白汁雞肉越式法包 (包一杯飲品 $69)
雖然係傳統法包店，但都crossover越南法包，前者牛肉醃得入味，辣醬其實係惹味辣蛋黃醬，後者雞肉就咖哩混合白汁，出奇地夾，而本身嘅招牌法包真係烤得夠酥脆。

🥐原味甜脆扁牛角酥 ($20 / 加配$14)
🍓士多啤梨扁牛角酥 ($24 / 加配$16)
🍫朱古力合桃扁牛角酥 ($24 / 加配$16)
🍵抹茶杏仁扁牛角酥 ($24 / 加配$16)
最驚喜係新出嘅扁牛角酥，口感類似蝴蝶酥，真係超酥脆，外層微甜超正，仲有幾款唔同口味，而且可以外賣68蚊4件試哂佢，獨立包裝超方便。

🍹橙香蝶豆花牛奶咖啡 (+$14)
🍹玫瑰蝶豆花檸檬梳打 (+$14)
一向都多人係到買咖啡，估唔到仲有啲咁靚嘅特飲，唔同顏色層次分明，清爽嘅梳打或者橙香嘅咖啡都有。

-

Délifrance @delifrancehk
🗺️中環德輔道中19號環球大廈1樓
📞2868 1355
銅鑼灣中央圖書館、灣仔大有廣場、荔枝角、沙田、荃灣愉景新城、機場都有分店！
❇️留意啲限定新品賣到8月尾咋！