網上熱話｜拒東涌新公屋 二派獲分荃灣舊樓 網民嘲：天堂跌落地獄！

香港地樓價貴，不少符合資格的市民都會嘗試申請公屋，盼能以較低價錢獲派安樂窩。不過，排公屋除了需要長時間外，亦難以選擇自己心宜的地區，絕對是一件很靠運氣的事。早前一位輪候公屋的市民就在網上分享，指自己曾拒絕首派位於東涌的新公屋，近日又再拒絕二派的荃灣舊樓，苦呻得返1次機會十分緊張，而網民就認為他身在福中不知福。

拒東涌新公屋 二派獲分荃灣舊樓

這位輪候公屋的市民在網上分享，稱日前獲房委會一派位於東涌翔東邨的新公屋，但考慮幾日就毅然拒絕，想搏日後有更好選擇。在首拒20幾日後，事主又極速收到二派通知，獲派荃灣象山邨3樓。首派新公屋都拒絕，獲二派舊樓的事主就揚言「好唔方便，咩設施都冇」，故「沒猶豫即刻打算拒絕」。

苦呻得返1次機會

據悉，輪候公屋的市民只有3次獲派公屋的機會，即之後無論獲派甚麼地段和樓齡的公屋，他都只好接受，除非再次放棄派屋而被取消申請。對於現時的尷尬局面，事主坦言「剩下第三次好煩惱」，又直指自己的要求其實不高，「最緊要交通方便啲，附近有設施」。

網民嘲：天堂跌落地獄！

不少網民就認為事主「唔識揀」，更列出首派的東涌翔東邨有3大優點，包括「新樓有無敵大海景」、「環境、配套、設施都好」，加上「租金較便宜」，如此優秀的公屋都拒絕後現時猶如「由天堂到地獄」、「派新樓畀你都仲嫌」、「一派咁好都唔要」、「其實翔東真心唔差，守多幾年就有地鐵」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)