網上熱話｜IKEA現「梳化專員」 坐低5分鐘即被趕鴨仔 網民力撐：唔係比你無限試坐
夏天氣溫越來越高，在室外逗留幾分鐘已經出晒汗，不少人都會因此選擇留在室內涼冷氣。大家以往行IKEA時，有沒有發現梳化區總有很多人逗留，不少人將IKEA當做自己屋企，安坐梳化上玩電話、攬攬錫錫，甚至瞓返一覺。惟近日就有網民發現IKEA開始打擊以上行為，他們所採取的趕鴨仔方法更引來網民兩極討論。
IKEA驚現梳化專員
每到酷熱夏天，室內冷氣地方總有很多人逗留，特別是快餐店、商場座位等，其中一個熱門有冷氣又自由的休憩地方，絕非IKEA莫屬。不時都會看到有人在IKEA梳化，甚至床上休息、做自己嘢，影響真心想試用購買的顧客。近日，IKEA就開始打擊以上行為，有網民就表示，銅鑼灣IKEA「多左成隊沙發專員」、「專門趕走過嚟坐同瞓嘅人，每5分鐘成隊人好似趕鴨仔咁，叫人繼續往前行，留返啲凳比其他人試坐」。
昔日霸王櫈光景不再 帶動旁邊cafe生意
分享此事的網民坦言「明明已經冇晒人」，但IKEA梳化專員仍然努力趕人，而大批本身安坐梳化上的工人姐姐「繼續往前行你條迷宮路睬你都傻，即刻原路走晒」。在專員控制下，相信昔日大量市民逗留IKEA坐霸王櫈的光景已不再。而一班工人姐姐因未能留在IKEA，網民就觀察到「附近嘅cafe 多左好多姐姐客，生意好好」、「原來姐姐都有能力消費唔係淨係識得坐霸王凳，咖啡店多謝你」。
網民力撐IKEA
發文者本人認為IKEA這個方法麻麻，「有好多其他方法唔使咁肉酸嘅，不過呢啲方法就ikea再去諗啦」。不過大部分網民均不贊同發文者觀點，力撐IKEA，「邊個肉酸d先，人地擺凳係度唔係比你無限試坐噃」、「邊個肉酸？ 我覺得佢個方法好好喎」、「點都唔會肉酸得過不時見到 d 人係 ikea sofa 度錫嚟錫去」。《am730》記者向宜家香港查詢事件是否屬實，暫未獲回覆。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)