【螢幕掛燈 橫評】100% 絕對比「座枱燈」更 ___｜6 個型號 3 種等級 比較

想問下大家嘅書檯係用緊咩嚟照明嘅呢？如果你仲係用緊檯燈嘅話，我今日想話比你知：檯燈已經out！咗！今日講嘅螢幕掛燈先係主流！呢個時候你可能會問…螢幕掛燈？兩樣嘢嚟㗎喎，關咩事呢？你咁諗嘅話就錯喇。想知螢 幕掛燈點解會開始興？

大家諗下，你依家大部分時間喺書檯主要係用紙筆寫字定用電腦？我諗一定係電腦啦，呢個世代真係越嚟越少人真係需要用到紙筆。再加上唔知大家有冇試過用檯燈嘅時候擺呢度又阻住自己睇個mon，擺呢度又反光，擺呢度又會有陰影或者一邊光一邊暗。

一係就張檯其實唔係大，但就係比檯燈ar住晒啲位。所以今日就係想同大家橫評一下6款電腦螢幕燈，話比大家知究竟螢幕掛燈有啲咩咁好，點解唔應該繼續用檯燈而螢幕掛燈成為大趨勢，市面上咁多牌子出咗咁多唔同款唔同價錢，最重要就梗係話埋比大家知究竟買邊個好。

今日我哋為大家搵嚟嘅6款電腦螢幕掛燈分別係Elesense E1129，Philips 66242 Edison，BenQ WiT ScreenBar，Momax QL11 Lane，XPower ML1同Altmann 50cm。其實好簡單，今次嘅螢幕燈分3個level，最高level就係最貴嘅BenQ，然後就係第二等級，獨立控制器嘅Elesense，同其他！其實螢幕掛燈最緊要都係3樣嘢：夠光、唔反光同無論咩都要睇嘅價錢！