香港特色圖書館｜天水圍/調景嶺等最靚最Chill懶人包＋流動／自助／社區借書服務一覽
香港人生活節奏急速，想搵個地方靜靜地睇書、放空、甚至歎杯咖啡？其實本地有唔少特色圖書館，環境舒適又設計感十足，絕對係文青打卡好去處！除咗大家熟悉嘅中央圖書館同天水圍屏山圖書館，仲有幾間值得一提嘅高質「隱世」圖書館，今次就同大家一齊發掘！
香港必去特色圖書館推介
屏山天水圍公共圖書館（最靚之選）
屏山天水圍公共圖書館被譽為「全港最美圖書館」，屏山圖書館樓高8層，設計走原始簡約風，玻璃幕牆配合中庭綠化空間，令人彷如置身自然之中。館內設有咖啡閣、戶外庭園、青少年及兒童圖書館、自修室等，無論你係想靜靜地閱讀，定係帶小朋友嚟放電都一樣啱用！
- 屏山天水圍公共圖書館地址：天水圍聚星路1號 屏山天水圍文化康樂大樓高座
- 交通：港鐵天水圍站 A 或 C 出口，步行約4分鐘
- 開放時間：星期一至三、五至六 09:00–20:00；星期四 12:00–20:00；星期日及公眾假期 09:00–17:00
- 泊車︰天水圍文化康樂大樓露天停車場/聚星路露天停車場
香港中央圖書館（最大之選）
位於銅鑼灣的中央圖書館係全港最大，樓高12層，設有多個專門館藏，包括地圖圖書館、香港文學資料室、藝術資源中心等。最吸引係9樓閱讀區，可以一邊睇書一邊望住維港海景，超Chill！
- 地址：銅鑼灣高士威道66號
- 交通：港鐵銅鑼灣站F1出口或天后站B出口，步行約10分鐘
- 開放時間：星期一至二、四至日 10:00–21:00；星期三 13:00–21:00；公眾假期 10:00–19:00
- 泊車︰ 圖書館停車場不設公眾停車位，只供團體使用，私家車可選擇大坑一帶的咪錶位
調景嶺公共圖書館（設計感之選）
調景嶺公共圖書館樓高3層，外牆採用落地玻璃，空間感十足。館內設有森林主題兒童閱讀區，色彩繽紛又有趣味；每個座位配有插座及閱讀燈，方便使用電子設備。旁邊仲有草地平台，睇書睇到攰可以出去伸展一下！
- 地址：將軍澳翠嶺路4號
- 交通：港鐵調景嶺站，步行約8分鐘
- 開放時間：星期一至三、五至六 09:00–20:00；星期四 12:00–20:00；星期日及公眾假期 09:00–17:00
- 泊車︰調景嶺體育館停車場
圓洲角公共圖書館（親子之選）
以白灰色為主調，簡約又現代。兒童圖書館以大自然為主題，設有動物造型指示牌、大型軟墊及活動空間，深受小朋友歡迎。非常適合一家大小週末來個親子閱讀時光！
- 地址：沙田銀城街35號 圓洲角綜合大樓高座
- 交通：港鐵第一城站，步行約7分鐘
- 開放時間：星期一至三、五至六 09:00–20:00；星期四 12:00–20:00；星期日及公眾假期 09:00–17:00
- 泊車︰圓洲角綜合大樓停車場
#所有圖書館均於下列公眾假期停止開放：元旦日、農曆年初一至年初三、耶穌受難日、聖誕節及聖誕節翌日，自助圖書站除外
#所有圖書館在下列日子開放至下午五時，開館時間維持不變：元旦前夕、農曆年除夕、中秋節及聖誕節前夕，自助圖書站除外
流動圖書館、自助圖書站、社區圖書館一覽
唔方便去大型圖書館？唔緊要！香港公共圖書館網絡覆蓋全港，仲有以下三大便利服務，等你隨時隨地都可以借書睇書！
自助圖書站（Self-service Library Station）
設於港鐵站附近或社區熱點，提供24小時借還書服務，無需排隊，超方便！
港島區自助圖書站 (港島東體育館休憩處)
- 地址：西灣河鯉景道52號港島東體育館休憩處
- 電話：2891 9355
- 開放時間：24小時圖書館服務
- #上午11時至中午12時及每月第二個星期三下午2時至下午4時暫停開放
九龍區自助圖書站 (香港文化中心)
- 地址：尖沙咀梳士巴利道10號香港文化中心
- 電話：2891 9355
- 開放時間：24小時圖書館服務
- #下午2時至下午3時及每月第三個星期三下午4時至下午6時暫停開放
新界區自助圖書站 (大圍村南道)
- 地址：沙田大圍村南道2號 (近港鐵大圍站D出口)
- 電話：2891 9355
- 開放時間：24小時圖書館服務
- #上午9時至上午10時及每月第四個星期三下午2時至下午4時暫停開放
流動圖書館（Mobile Library）
流動圖書館會定期駛到各區，設有借還書服務，方便偏遠地區居民。每部流動圖書館都有固定時間表，詳情可參閱香港公共圖書館網站。
社區圖書館（Community Libraries）
由社區團體或機構營運，提供基本借閱服務，推廣閱讀文化。通常設於社區中心、教會或學校內。詳情可參閱香港公共圖書館網站。
參加辦法：請將填妥的表格交給任何一間公共圖書館的館長。
無論你係文青、學生、家長，定係只係想搵個靜地方放鬆一下睇睇書，香港圖書館都總有一間啱你！下次唔好再話冇地方睇書啦～快啲bookmark低呢篇懶人包，周末就出發去圖書館Chill一Chill！
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)