網上熱話｜港女唔知另一半住邊 發文問係咪正常 網民：明顯身有屎

足夠溝通對於拍拖來說十分重要，若然其中一方有所隱瞞的話，絕對會影響二人感情。不過，究竟分享幾多先算正常呢？早前一位港女在討論區發文，指自己一直都唔知另一半的屋企地址，發文詢問網民是否正常，而一眾網民就有唔同睇法！

港女唔知另一半住邊

早前，一位港女在討論區以「唔知另一半住邊」為題發文，劈頭就問一眾網民「有無人唔知另一半住邊」，只因其男朋友一直對自己的地址十分保密，直言「另一半話唔想講我知，亦唔會帶我上去屋企」，她只知道男友「住邊一區」。

與以往拍拖經歷不一 發文問係咪正常

眼見另一半的地址如此神秘，發文者都開始質疑自己是否太執著於知道另一半的地址，直言「因為我拍過咁多次拖，都有上過另一半屋企」、「同埋知道實際地址，但呢個我連邊個屋苑都唔知」，不禁問一眾網民「想知你地狀況係點？唔知，係咪好正常？」

網民意見多多

帖文引起網民關注，有網民認為事件誇張，「佢係咪特別窮唔想俾你知家境？特別有錢都有可能」、「我覺得唔帶上屋企都正常，唔知住邊真係誇張」、「睇吓你哋有冇傾到咁detail，如果有都瞞就奇怪，如果冇可能只係冇特別提」，亦有網民猜測另一半之所以有所隱瞞，全因「屋企有人呀，點比得你知」、「本身人地當然唔想比你知」，懷疑對方金屋藏嬌。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)